Англия Премьер-лигаси 4-туридан ўрин олган «Манчестер Юнайтед»-«Кристал Пэлас» учрашуви ўз ниҳоясига етди. Унда амалдаги Англия чемпионлари 2:0 ҳисобида зафар қучишди.

Учрашув тўлақонли Давид Мойес шогирдлари устунлигида ўтди. Биринчи дақиқаларданоқ «Қизил иблислар» ҳужумга ўтишди. Бутун бўлим давомида Валенсия ҳамда Эшли Янг қанотлардан «Пэлас» ҳимоя чизиғини ёриб киришга уринишди, бироқ рақиб бунга йўл қўймади.

Биринчи бўлимнинг сўнгги дақиқаларида Дикгасой Эшли Янгни дарвозабон билан бирга-бир вазиятга чиқиб кетаётганида қўполлик билан тўхтатиб қолди. Ҳакам бўлса унга қизил карточка кўрсатди ва 11 метрлик нуқтага тўпни белгилади. Тўпга яқинлашган ван Перси мўлжалдан адашмади, 1:0. Шу тариқа жамоалар танаффусга чиқиб кетишди.

Иккинчи бўлим ҳам «Манчестер Юнайтед» назоратида бўлди, бироқ на ван Персининг, на Рунининг кетма-кет зарбалари дарвоза тўридан жой олавермади. Учрашувнинг 62-дақиқасида Андерсон ўрнига Маруан Феллайнининг тушиши ўйинни жонлантирди ва 81-дақиқада жарима тўпидан Руни ажойиб гол киритди, 2:0.

Шу тариқа учрашув ўз якунига етди ва «Манчестер Юнайтед» тўр учрашувдан сўнг 7 очко тўплаб иккинчи ўринга кўтарилиб олди.

Англия Премьер-лигаси
4-тур

Манчестер Юнайтед – Кристал Пэлас 2:0 (1:0)
Голлар: 1:0 – 45, пенальти ван Перси, 2:0 – 81 Руни.
Манчестер Юнайтед – Де Хеа, Фабио, Рио Фердинанд, Видич, Эвра, Кэррик, Андерсон (Феллайни, 62), Валенсия, Руни, Эшли Янг (Янузай, 67), ван Перси (Х. Эрнандес, 79).
Кристал Пэлас – Сперони, Мариаппа, Гэббидон, Дилэйни, Мокси, Дикгасой, Кампанья (Гедиура, 59), Панчон, Единак, Гэйл (Жером, 64), Шамах (Кебе, 75).
Огоҳлантиришлар: Эшли Янг (19), Мокси (45), Шамах (55).
Четлатиш: Дикгасой (44).

Манба: www.uff.uz