Бразилияда ўтадиган Жаҳон чемпионати – 2014 бир неча тажрибали футболчилар учун фаолиятлари давомидаги сўнгги мундиал бўлиши мумкин. Sportbox.ru сайти “35+” клуби аъзолари ҳақида маълумотлар тайёрлаган биз ҳам уларни сизга илиндик.

Дарвозабон
Фарид МОНДРАГОН (Колумбия, 42 ёш)
Бутун мусобақанинг энг қария футболчиси 1992-йилда Барселонада ўтган Олимпиада ўйинларида ҳам иштирок этган, асосий терма жамоадаги дебютини эса 21 ёшида ўтказган. 1994-йили АҚШда ўтган Жаҳон чемпионатида Мондрагон колумбияликлар қайдномасига киритилганди холос, 1998-йил Францияда эса у терма асосий посбонига айланиб бўлганди ва экспертлар томонидан мусобақа гуруҳ босқичининг энг яхши голкипери деб топилган ҳам. Аммо колумбияликлар дарвозабонларининг жасорат кўрсатганлигига қарамай ўшанда плей-офф масаласини ижобий ҳал эта олишмаганди. Мондрагон “кафетерослар”нинг ҳозирги кундаги асосий кипери эмас, бироқ ҳар қандай кутилмаган ҳолатда Давид Оспинани алмаштиришга тайёр турибди. Яна бир қизиқ ҳолат шундаки ватанида “Депортиво Кали” жамоасида ўйнайдиган Фарид мундиал вақтида 43 ёшни қаршилайди.

Ҳимоячилар
Марио ЙЕПЕС (Колумбия, 38 ёшда)
Тажрибали марказий ҳимоячи мана 15 йилдирки ватани терма жамоасида тўп суриб келади. Европадаги узоқ йиллик саёҳатлардан сўнг, “Нант”, “ПСЖ”, “Кьево”, “Милан” ва “Аталанта” каби клубларда ўйнаб улгурган Йепес ҳозирги кунда юртига қайтган ва Мондрагоннинг жамоадоши сифатида “Депортиво Кали”да ўйнайди. Гарчи ёши анча ўтиб қолган бўлса ҳам Йепес ҳали ҳам Колумбия терма жамоасининг асосий ҳимояилари қаторида зикр этилади. У ва унинг марказдаги шериги Переанинг ҳаракатлари сабаб “кафетерослар” Жанубий Америка минтақасида кам гол ўтказиб юборган жамоалардан бири сифатида эътироф этилишди. Йепес ҳеч қачон элитага кирувчи ҳимояи деб ҳисобланмаган, аммо профессионаллиги, меҳнатсеварлиги ва эҳтиросларга берилиши сабаб ўйнаган ҳар бир клубида ўзига яраша обрў орттира олган. Шу сабааб Греция, Япония ва Кот-д’Ивуар ҳужумчилари колумбияликларга қарши учрашувларга яхшилаб тайёргарлик кўришларига тўғри келади, айнан кофе юрти вакиллари ўз жарима майдончаларига “душманни ўтказмаймиз”, - дея ёзиб қўйиб ушбу шиорга амал қилишмоқчи!  

Даниэль ВАН БЮЙТЕН (Бельгия, 36 ёшда)
“Кўҳна қитъа”нинг энг қўпол ҳимояиларидан бири бельгияликлар устози Марк Вильмотсга керак, гарчи таркибда Компани, Вермален ва Ломбертс каби ундан ёшроқ ўйинчилар бўлишса ҳам. Ван Бюйтен 2002-йилги жаҳон чемпионатида дебютини ўтказган ва Россияга қарши учрашувда тўлиқ ўйнаганди. Ўша вақтда руслар таркибида бўлган футболчилардан фақат – Александр Кержаков қолганини ҳам таъкидлаш мумкин. Ван Бюйтен яқинда мундиал ўзи учун сўнгги “оққуш қўшиғи” бўлишини тан олди: “Ўз вақтида тўхташни билиш керак, мана 13 йил ўтиб терма жамоадаги фаолиятимга ҳам якун ясаяпман”. Гарчи ёши катта бўлса ҳам ванн Бюйтен Компани билан марказий ҳимояда жуфтликни ташкил этиши тахмин қилинмоқда. Шведларга қарши ўртоқлик учрашувида Вильмотс айнан шу тандэмни синаб кўрди. 

Рафаэль МАРКЕС (Мексика, 35 ёшда)
Олтин эрани ўтказган “Барселона”нинг собиқ ҳимоячиси МЛСга кўчиб ўтгач, кўплаб мухлислар нигоҳидан четда қолди. Нью Йорк шаҳрининг “Ред Булл” жамоасида икки мавсум тўп сурди ва ватанига “Леон” клубига ўтиб кетди. Маркес терма жамоада 18 йилдан бери ўйнаб келади, Жанубий Корея ва Японияда ўтган Жаҳон чемпионати эса футболчи учун дебют мундиал бўлганди. “Эль Кайзер” лақабли тажрибали футболчининг юлдузли онлари анча узоқда қолган бўлса ҳам, Маркес 35 ёшда термасига ёрдам бериши ва тажрибаси сабаб ёшларга кўмаклашиши мумкин.  

Ярим ҳимоячилар
Георгиос КАРАГУНИС (Греция, 37 ёшда)
Европа чемпионати – 2004 ғолиби, қитаъ биринчилигида чинакам қахрамонлик кўрсатган футболчи ўзи учун биринчи мундиалга йўл олмоқда. Греция терма жамоаси сўнгги марта 20 йил аввал тўрт йилликнинг энг нуфузли мусобақасида иштирок этган, у вақтда 17 ёшли Карагунис ўсмирлар футболида илк қадамларини қўйганди. “Панатинаикос”нинг кўп йиллик етакчиси “Интер”, “Бенфика” каби Европанинг номдор жамоаларида ўзини кўрсатиб улгурди, охирги бир неча мавсумни эса “Фулхэм”да ўтказди, аммо Георгиос ўзининг энг яхши ўйинини барибир айнан терма жамоада намойиш қилади. Евро-2012 гуруҳ босқичининг асосий ўйинида айнан у Малафеев дарвозасини ишғол қилиб, русларни плей-оффдан маҳрум қилганди. “Эллинлар” бу сафар ҳам афсонавий сардорлари ва етакчилари Карагуниснинг харизматиклигига ва фаоллигига умид боғлаганлар. 

Фрэнк ЛЭМПАРД (Англия, 35 ёшда)
“Челси”нинг юраги, “Челси” қалби Фрэнк Лэмпард футболчилик фаолияти 13 йилини бағишлаган Лондон клубини тарк этишини маълум қилди. Терма жамоада Лэмпард ундан ҳам кўпроқ вақтдан бери ўйнаб келади ва “Уч шерлар” таркибида у ҳам сўнги қўшиғини ижро этиши кутилмоқда. 34 ёшли Англия терма жамоаси Стивен Жеррард учун ҳам мундиал охиргиси бўлади. Лэмпард терма жамоада 1999-йилдан буён тўп суриб келади, бироқ катта мусобақаларда беш йилдан кейин дебютини ўтказган. Евро-2004да терма жамоа сафидаги энг яхши футболчи бўлган. Фрэнк Англия терма жамоаси мухлислари учун тарихий қийматга эга барча учрашувларнинг бевосита иштирокчиси бўлган. 2004-йил португалияликларга қарши учрашувда пенальтилар бўйича қайд этилган мағлубият, икки йил ўтгач яна ўша рақиб билан учрашувда яна пенальтилар бўйича аламли натижа. Мундиалдаги ўша пенальтилардан бирини айнан Лэмпард кирита олмаганига нима дейсиз. ЖЧ – 2010да немислар дарвозасига 1/8финал ўйинида киритилган гол-фантом. Евро-2012ни эса инглизлар етакчиси болдиридаги жароҳат сабаб ўтказиб юборди. Эҳтимол бу сафар тақдир Фрэнкга кулиб боқар ва Англия учун узоқ йиллардан бери нохуш анъана бўлиб келаётган чорк финал тавқи-лаънати олиб ташланар.   

Андреа ПИРЛО (Италия, 35 ёшда)
Пирло фаолиятидаги илк жаҳон чемпионатининг ўзи Италия термаси учун чемпионлик билан якунига етган, ўшанда “Мовий гвардия” 2006-йилда мусобақа ғолибига айланганди. Мана орадан ўн йилга яқин фурсат тибдики Андреа “СкуадрыАдзурра”нинг алмаштирмас ўйинчисига айланиб улгурган, Пирло оммани ажойиб паслар билан ҳайратга солади. Пирло ўйинини кузатиб туриб, шу футболчининг 35 ёшни қаршилагани ва терма жамоа сафида 100тадан ошиқа учрашув ўтказганига ишонгинг келмайди. Пирло ҳудди яхши винога ўхшайди йилдан йилга таъми яна ҳам ҳуштаъмлашиб боради. Футболчилар учун анча қари ёшда бўлишига қарамай, Андреа футбол ўзига ҳали ҳам завқ бағишлаётганини таъкидлашдан чарчамай келмоқда. Пирлонинг ўйини барчани ҳайрат кўчасига бошлаб киришда давом этмоқда. Умуман олган терма жамоа учун ушбу жиҳат яъни ёши катта футболчилар билан ўйнаш кўп йиллик анъана ҳамда фойда келтирувчи усул ҳисобланади. Мисол тариқасида ДиноДзофф ёки Паоло Мальдини ўйинларини эслашнинг ўзи кифоя. Энди асосий умидлар 36 ёшли Буффон ҳамда 35 ёшли Пирлодан.  

Костас КАЦУРАНИС (Греция, 34 ёшда)
Кацуранис 21-июн Японияга қарши учрашувнинг эртаси куни 35 ёшни қаршилайди. Карагунис каби у ҳам Грециянинг Евро-2004даги сенсацияси сабабчиларидан бири. Охирги бир неча йилни Кацуранис “ПАОК”да ўтказди ва ёши катта эканига қарамай маҳаллий чемпионатда яхши савияда ўйнаб келмоқда. Кацуранис ва Карагунис каби меҳнатсевар футболчилар сабаб, грекларни ҳисобдан четда қолдирмаслик керак. Айни вақтда С гуруҳи фаворитлари сифатида Колумбия ва Кот-д’Ивуар эътироф этилишмоқда, лекин греклар ҳам таслим бўлмасликлари ва рақибларга ўзига хос “совға” тақдим қила олишларини кутиш мумкин. 
Ҳужумчилар

Дидье ДРОГБА (Кот-д’Ивуар, 36 ёшда)
Ивуар терма жамоасининг тимсоли футболчилик фаолияти давомидаги учинчи мундиалда иштирок этади. 2006- ва 2010-йилларда Дрогба ва Кот-д’Ивуар қуръанинг омадсиз келгани сабаб гуруҳ босқичидан ўта олишмаганди. Германиядаги Жаҳон биринчлиги вақтида африкаликлар Аргентина ва Голландия билан курашишларига тўғри келган, 4 йил ўтгач эса Бразилия ва Португалия терма жамоалари билан рақобатлаша олишмади. Бу сафар ивуарликлар ўрин олган гуруҳ анча камтарроқ Дрогба ва жамоадошлари камида 1/8 финалга чиқиш мўлжаллашаётган бўилшлари табиий. Терма жамоа таркибидаги эгш яхши тўпурар(64 гола) Жаҳон чемпионатларида икки гол киритган: 2006-йил июнида энг биринчи учрашувида Аргентинага, тўрт йил ўтгач эса Бразилия билан учрашувда ҳисобни қисқартирган. 

Диего ФОРЛАН (Уругвай, 35 ёшда)
Жаҳон чемпионатларида Форлан илк бор 12 йил аввал Япония ва Жанубий Кореяда ўтган мундиалда майдонга тушганди. Уругвай терма жамоасининг юлдузли онлари эса тўрт йил аввал ЖАР майдонларида ўтган ЖЧда кузатилди. Ўшанда Жанубий Америка вакиллари ярим финалгача етиб боришни уддалашди. Ушбу муваффақиятга Форлан ҳам ЖЧ-2010нинг тўпурарлар рўйхатини Мюллер, Вилья ва Снейдер билан биргаликда бошқарган ҳолда катта улуш қўшди, уларнинг бариси бештадан гол киритишганди. Якунда Форлан адолатли равишда мусобақа рамзий терма жамоаси таркибига киритилди. Айни вақтда Форлан терма жамоасининг асосий юлдуз футболчиси эмас, чунки таркибда Луис Суарес ва Эдинсон Кавани бор. Бироқ АПЛнинг 2013/14-йилги мавсумдаги энг яхши футболчиси гуруҳ босқичида терма жамоага ёрдма бера олмаслиги мумкин ва Форлан уругваликларга унинг ўрнини билдирмасликда катта фойда келтира олиши тахмин қилинмоқда.  

Мирослав КЛОЗЕ (Германия, 35 ёшда)
Жаҳон чемпионатларидаги иккинчи энг яхши тўпурар Бразилияга финал турнирлари етакчиси Роналдодан (15 гол) ўзиб кетиш учун йўл олаётгани табиий. Клозе ушбу натижани такрорлаши учун иккита тўп киритишнинг ўзи кифоя. Германиялик футболчи охирги уч мундиалда бундестим таркибида иштирок этган ва ҳар сафар мусобақа совриндорига айланган. ЖЧ-2014ни Клозе 36 ёш футболчи сифатида ўткзаади. Ҳозир уни Германия термасининг асосий ҳужумчиси деб аташ қийин, лекин шунга қарамай Йоахим Лев Клозега вақт бериши ва рекордни янгилашида кўмаклашиши мумкин.

Манба: www.fapl.uz