«Манчестер Юнайтед» фанатлари жамоа бош мураббийи Дэвид Мойеснинг ишидан норозилар. Улар мураббийнинг жамоадан кетиши учун қўлларидан келган ишни қилишмоқда. Бир гуруҳ мухлислар «Олд Траффорд» стадиони олдидаги машиналар тўхташ жойига махсус самолёт олиб келишди ва ерга Wrong one - Moyes out («Нотўғри танлов - Мойес йўқол»), деб ёзиб қўйишди. Мураббийнинг фикрича эса, кўплаб мухлислар уни қўллашаётган экан. «Ҳамма жойда «МЮ» мухлисларининг яхши муносабатларини кўрмоқдаман. Кеча Флетчер билан кечки овқатни бирга қилдик. У ерда «МЮ» мухлислари ҳам бор бўлиб, улар мени қўлладилар. Яъни клубда юзага келган вазиятни тўғри тушунишларини айт¬дилар. Фанатларда турлича қарашлар борлигини кўриб турибман ва натижа жуда муҳимлигини ҳам тушунаман. Навбатдаги учрашувлардан бирида самолёт менга қарши ёзилган баннер олиб ўтишини эшитдим. Бунақаси учраб туради. Биз узоқ йўлнинг бошланғич қисмида турибмиз»,-деди шотландиялик мутахассис.