Англия Премьер-лигаси 13-туридан ўрин олган "Кардифф” – "Арсенал” баҳси ўз якунига етди ва унда мусобақа етакчиси "тўпчилар” ғалаба қозонишди.

Учрашув тўлиқ Арсен Венгер шогирдлари назорати остида ўтди. 29-дақиқада ўз собиқ жамоаси дарвозасини Рэмзи ишғол қилди. Рақиб бўлса ҳисобни тенглаштиришга қанчалик уринмасин, савия жиҳатидан лондонликлардан анча паст эканликлари сезилиб қолди.

Иккинчи бўлим ҳам биринчиси каби ўтди, бироқ бу бўлимда мухлислар 2 гол гувоҳига айланишди. 86 дақиқада Фламини ва 90 дақиқада яна Рэмзи дарвозаларни ишғол қилишди. 

Шу тариқа «Арсенал» яна уч очкони ўз ҳисобига ёзиб қўйди ва мусобақа жадвалидаги 1-ўрнини янада мустаҳкамлади.

Англия Премьер-лигаси
13-тур

Кардифф – Арсенал 0:3 (0:1)
Голлар: 0:1 – 29 Рэмзи, 0:2 – 86 Фламини, 0:3 – 90 Рэмзи.
Кардифф – Маршалл, Теофиль-Катрин, Колкер, Тернер, Тэйлор (Корнелиус, 88), Медель, Ким Бо Ген (Нун, 75), Матч, Кауи, Уиттингем, Ф. Кэмпбелл (Одемвинги, 64).
Арсенал – Шченсни, Санья, Мертесакер, Косьельни, Гиббс, Уилшер (Монреаль, 81), Артета, Рэмзи, Ўзил (Уолкотт, 90), Касорла (Фламини, 77), Жиру.
Огоҳлантиришлар: Гиббс (33), Артета (79), Рэмзи (89).

Манба: www.fapl.uz