«ПСЖ» ҳужумчиси Златан Ибрагимович «Арсенал» кўригида бўлгани ва нима учун лондонликлар сафига қўшилмагани ҳақида гапириб ўтди. «Венгер билан илк бора учрашганимда, «Мальмё»да ўйнардим.

   Бир кун клуб директори менга «Арсенал» қизиқаётгани ва Лондонга Венгер билан музокара учун боришимизни айтди. Лондондаги машғулотлар базасини кўриб, ўзимни йўқотиб қўяй деганман. У «Мальмё»никидан жиддий фарққиларди. Венгер қўлида «Арсенал»нинг 9-рақамли футболкаси бор эди. Унга менинг исмим ёзилганди. Шунда у менга жамоа машғулотларида иштирок этиб, нималарга қодирлигимни кўрсатишим шартлигини айтди.

    Бундан жаҳлим чиқди. Наҳотки, музокарага чақириб, қандайлигимни билмаса? Агар сизни бирор жамоа сотиб олмоқчи бўлса, нималарга қодир эканлигингизни билиши керак-ку. Қисқаси, у ерда 2 ҳафталик кўрикда қолишни истамадим. Швецияга қайтганимдан кейин эса «Аякс»дан таклиф тушди. Голландлар мени тезда сотиб олишни исташганди. Кейинчалик Венгер тушунмовчилик бўлганини айтганди. Балки шундайдир. Мен ёш бўлганман ва инглиз тилини унчалик яхши билмасдим. Агар «Арсенал»га ўтганимда, фаолиятим умуман бошқача кечармиди...?»,-деди Ибрагимович.

Manba: InterFutbol.uz