Диего Симеоне бошчилидаги Мадриднинг “Атлетико” жамоасининг ЕЧЛда омадли юришидан беш кетиб, бошқа бир қатор ёш мураббийлар ҳақида сўз очишга қарор қилдик. 

ДИЕГО СИМЕОНЕ, 43 ёш
Клуб: «Атлетико» (Мадрид)

   Жорий мавсумда Испания чемпионати ва ЕЧЛ якуни қандай бўлишидан қатъий назар, “Мавсумнинг ихтироси” номинациясида албатта Мадриднинг “Атлетико” жамоаси ғолиб бўлади. Буни юз фоизлик ишонч билан айтиш мумкин. Маҳоратли аргентиналик бошчилигидаги “матрасчилар” йўлидан чиқган ҳар қандай рақиб устидан юриб эмас югуриб босиб ўтяпти. Яқинда эса кимсан “Барселона” жамоасини “Европа қироли” бўлиш имкониятидан маҳрум қилди.
Кўзлардаги чақмоқ, жисмоний тайёргарликнинг ажойиб кўриниши ва “қассоб”ларча кайфият айни вақтда Симеонега хос ҳислатлар бўлиб турибди. “Атлетико” жамоасидаги қисқа вақт ичида мураббий, жамоасини Ла лига иштирокчиси даражасидан бир неча поғона юқорига кўтарди. Мадридликлар чемпионатда етакчилик қилиш билан бирга чемпионлар лигасида ҳам рақибларга қўрқув солаётгани сир эмас. 
Мураббийлар орасида Диегонинг ўзи ҳам тинимсиз меҳнати эвазига катта обрўга эга бўлди. 

Юрген Клопп, 46 Ёш
Клуб: «Боруссия» (Дортмунд)

    Амалда бу мураббий ҳозирданоқ Европанинг ТОП мурабиийлар рўйҳатидан муносиб ўрин эгаллаган. Қисқа вақт ичида у қўлида бор ашёдан сайёрамизнинг техник ва жисмоний жиҳатдан ривожланган, замонавий футболда мухлисларга ёқиб тушган ўз услуби ва катта фантазияга эга таркибни шакллантира олди десак хато бўлмайди. Бу таркиби билан Клопп ўтган йилги ЕЧЛда бош совринни боши узра кўтаришига озгина омад етишмади. Бу йил эса сал бўлмаса Мадриднинг “Реал” жамоасини турнирдан чиқариб юборай деди. Шундай бўлсада клубдаги фаолияти давомида Юрген бир қатор совринлари билан мақтана олади: икки маротаба мамалакат чемпионлиги, Германия кубоги ва Суперкубогида ғалабалар. 
Бундай йирик ва муҳим совринлардан сўнг дортмундликларнинг миллионлаб мухлислар ва жамоа аъзолари Клоппни қўлларида кўтариб юришга тайёр бўлса, Европанинг ТОП жамоалар рахбарлари бу мураббийни ўз жамоасида кўришни истамоқда. Айниқса Каталониянинг “Барселона” жамоаси. 

Томас Тухель, 40 ёш
Клуб: «Майнц» 

Бошқа бир қатор мурабиийлар каби Тухель ҳам устозлик фаолиятини ёшлар жамоасидан бошлаган. Аввал “Штутгарт” кейин “Аугсбург” ёшларига футболдаги оқ ва қорани ўргатди. Унинг меҳнатининг кўрган “Майнц” жамоаси рахбарлари U-19 ни бошқариш вазифасини юклатишган. Жамоадаги фаолиятининг илк йилида бундеслига чемпионлигини қўлга киритди. Бу орада асосий жамоага таклиф ўзини куттирмади. 2009/10 мавсумнинг аввалида у “Майнц” клуби бош мураббийи этиб тайинланди. Клуб хўжайинлари бу билан адашмади. Бир неча хафтадан сўнг Тухель бошчилигидаги “Майнц” “Бавария” клубини мағлубиятга учратди. Бу ғалаба мураббий ва футболчиларга ўз кучига ишончни янада кучайтирди. Иккинчи мавсумда эса жамоа Бундеслигада бешинчи ўринни эгаллади. Бу билан мураббий Германиянинг ёш ва келажаги катта мураббийлар қаторидан ўрин олди. “Майнц” жамоаси раҳбарияти мураббийга умрбод шартнома таклиф этишга тайёр бўлганлигининг ўзи фикримизча кўп нарсалар ҳақида гапирмоқда. 

Брендан Рожерс, 41 ёш
Клуб: «Ливерпуль» 

Икки йил мобайнида “мерсисайдликлар” бош мураббийи, “Челси” жамоасида Моуриньонинг ассистанти сифатида фаолият юритган. Шунинг учун “Ливерпуль” ва “Челси” жамоалари учрашувидан олдин турли инглиз ОАВ ларида бу мавзу алоҳида кайфият ва ўзгача шукуҳ билан сўз боради. 2008 йилда эркин ва бош мураббий сифатида ишлаш таклиф этилди. Бир мавсумни “Уотфорд” жамоасида ўтказиб, “Рединг” ва “Суонси” клубларида ҳам устозлик қилади. Айни вақтда эса “мерсисайдликлар” устози Англия чемпионатининг олтин медалларини қўлга киритишга яқин турибди. 
“Ливерпуль” клуби ҳозирги даражасига кўтарилишига нафақат таркибдаги тажрибали ва креатив футболчиларнинг борлигида балки, мураббий уларнинг имкониятларини тўғри баҳолаб амалиётда қўллашида. Кўриб турганингиздек Брендан бу вазифани аъло даражада уддаламоқда. 

Оле-Гуннар Сульшер, 41 ёш
Клуб: «Кардифф Сити» 

“Гўдак чеҳрали қотил”. Футболчилик фаолияти давомида уни айнан шундай эркалаб аташар эди. Футболчи сифатида Оле ўзининг “Манчестер Юнайтед” жамоаси таркибидаги ҳаракатлари билан дунёга танилган. Буни нафақат “қизил иблислар” мухлислари балки барча яхши эслайди. 
Оле футболчилик вақтидаёқ мураббийликни ўйлаб юрган. Хатто ўзининг бир интервюсида, ўзингизни мураббий сифатида тассавур қила оласизми? деб савол беришганда қуйидагича жавоб берган: - Футболчи сифатида бир қатор жамоавий совринларни қўлга киритдим. Эҳтимол мураббий сифатида ҳам барчаси такрорланса. Қарши эмасман”. Бутсаларга дам бериб, устозлик қилиш мақсади олдинга қўйилганда илк қадам “Манчестер Юнайтед”нинг асосий жамоаси ҳужумчилари бўлди. Кейинги мавсумда эса “манкунианликлар”нинг ўринбосарлар таркибига ўтди. “Қизил иблислар” билан фаолиятнинг иккинчи мавсумида жамоа билан Премьер лигада ғалаба қозонди ва “Мольде” клубини бошқариш таклифи келди. Норвегиядаги фаолияти ҳам самарали кечди. Уч йил ичида Сульшер икки маротаба мамлакат чемпионлигини қўлга киритди. Бир неча ой илгари эса Англия чемпионатида иштирок этадиган Уельснинг “Кардифф Сити” жамоаси бош мураббийи этиб тайинланди. 

Антонио Конте, 44 ёш 
Клуб: «Ювентус»

Италия футболининг ўртамиёна жамоаларидаги қийинчиликларни кўриб пишган Конте, футболчи сифатида бир неча ажойиб йилларни ўтказган мураббий яна жамоага қайтди. Энди эса мураббий сифатида. 44 ёшли италиялик мутахассис, “Ювентус” жамоасида “эски сеньора” ўзининг ўйин услуби ва сифатига эга бўлди. Шу билан бирга А сериянинг энг кучли жамоаси сифатидаги обрўсини қўлдан бой бермади. Аксинча. Конте бошчилигида “бьянконерилар” икки маротаба Италия супереркубоги ва чемпионлигини нишонлади. Боз устига туринликлар тарихида янги саҳифани очиш арафасида. Бу йил “Ювентус” жамоаси учинчи бор кетма кет скудеттони қўлга киритмоқда. Бунақаси ҳали бўлмаган! 

Винченцо Монтелла, 39 ёш 
Клуб: «Фиорентина» 

Римнинг “Рома” жамоаси аъзоси сифатида футболчилик фаолиятини якунлаб жаллороссининг болалар жамоасини бошқаришга тушди. Мураббийликнинг илк кунидан болажонларга ҳужумкор футбол ўйин услубини ўргата бошлади. Аммо бошланган иш якунига етмади. Бир ярим ойдан сўнг “Рома” жамоасининг ўша вақтдаги президенти Розелла Сенси унга аосий жамоани бошқаришни таклиф қилди. Монтелла бу лавозимда Клаудио Раньерининг ўрнига ишлай бошлади. Янги иш ўрни билан бирга Винченцога катта маъсулият юклатилди ва жаҳон футболнинг ҳақиқий мурббийлар дунёси хавосидан баҳра олиш имконияти туғилди.

Монтелла жамоада айтарли улкан ютуқларга эришгани йўқ. Бироқ асосийси – у омадсизликлар “жар”ига қуламади. Шундай қилиб Италия яна бир перспектив мураббийни қўлга киритган бўлса, Монтелланинг ўзи тажриба орттирди. Римдан сўнг Винченцо “Катания” жамоасини бошқарди. Ҳозирда эса “Фиорентина” клубига устозлик қилмоқда. Кўриниб турибдики “Рома” ва “Катания” жамоалридаги фаолияти бежиз бўлмади. “Бинафшал”лар таркиби бир қатор яхши футболчилар билан бойиди (“Манчестер Юнайтед”дан Андерсон, “Бавария”дан Марио Гомес ва “Милан"дан Матри). 

Манба: fapl.uz