Ҳар доим ҳам вазият биз кутганимиздек бўлавермайди. Бу сафар ҳам шундай бўлди. Айниқса бошида. Ким ҳам бу терма жамоаларни бу аҳволга тушади, деб ўйлабди. Буёғига содда, камтар ёки манаман деганлар уйида, диванда қўлида шарбат ёки писта билан мундиални томоша қилади. Бунга ўзлари айбдор. Ҳозир янгича фикрлаш, қарор қабул қилишга интилувчан ва рақибнинг кимлигига қарамай “ёрвораман” деганларнинг даври. Кўзида олов, юрагида жўшқин шижоат ва қонида адреналини қайнаётганлар сўнгги марра томон илдам қадамлар билан олға боришмоқда.

Португалия, Испания, Италия, Англия, Хорватия... эҳҳе бу терма жамоаларни санаётган вақтингда кўз олдингдан баҳайбат ва савлати билан юриб эмас, югуриб ўтадиган футболчи ва мураббийлар аллақачон уйига етиб борган. Бразилиядаги мундиал аввалида бу терма жамоаларнинг ҳозирги аҳволини тахмин қилган кишини албатта аҳмоққа тенглаштиришарди.

Бу терма жамоалар таркибидаги номдор футболчилар ҳолига ачинади киши.

Қуйида эътиборингизга ЖЧ-2014 да иштирок этган, аммо мухлислар кутган ўйинни кўрсата олмаган футболчилар ЎНЛИГИни тақдим этамиз.

Криштиану Роналду

Нима кутилган эди: рақиб ҳимоячиларини зир титратади.

Натижа: Криштиану қўлидан келганича кураш олиб борди, аммо самарасиз. Мундиал аввалида Криштиану бутун Португалия терма жамоасининг ягона инсон кўринишидаги акси, деб эътироф этилган эди. Аммо немис ва америкаликлар бундай фикрдан йироқда эди. Тўлиқ соғайишга улгурмаган Роналдуни рақиблар имкони борича ҳаракатсизлантиришга уринишди. Роналдунинг жамоадошлари эса кучлари етганича кураш олиб боришди.  Роналдунинг ашаддий мухлислари ҳам унинг ўйини бошқа футболчиларга боғлиқ эканлигини тушуниб етишган бўлишса, ажабмас.

Стивен Джеррард

Нима кутилган эди: клубидаги мавсум якунида бўлган омадсизликни унутишга ёрдам бериши.

Натижа: Жерард курашди, аммо ўзи билмаган ҳолда Суаресга қаҳрамон бўлиши учун имконият яратиб бериб, ғалабани тақдим этди.

Луис Суарес 

Нима кутилган эди: Туманли альбионда ўтказган мавсумдаги ўйинидан кам бўлмаган иштирокни.

Натижа: Эски қилиғининг қайтарилиши, тўрт ойлик дисквалификация ва режалаштирилган байрамнинг бекор қилиниши.

Дунёдаги кўпчилик мухлислар Суаресни махлуқ деб билишади. Аммо Суарес Пепе даражасида эмас.

Чиро Иммобиле

Нима кутилган эди: Бундеслигага йўл олишдан аввал ёрқин ўйин кўрсатишини ва А серияда бўлгани каби тўпурарлик маҳоратини. 

Натижа: Толиқиш ва жамоадошларининг ҳужумдаги ҳаракатини тушунмаслик Чирога Бразилияда омадсиз мавсумни олиб келди.

Икер Касильяс

Нима кутилган эди: Ўша-ўша содда, аммо салобатли Икернинг қайтишини.

Натижа: Амалда йирик учрашувларга қизиқиши йўқолган кекса Икернинг ўйини. Агар “Реал Мадрид”  посбони янги мавсумда ҳам шундай давом этадиган бўлса, мадридистларни аламли ўйинларга бой мавсум кутиб турибди.

Ромелу Лукаку

 

Нима кутилган эди: Йўлидан чиққан рус, корейс ва жазоирлик ҳимоячиларни бирма-бир ортда қолдиришни.

Натижа: Худди марафонда иштирок этиб, тўғри Бразилияга етиб келгандек ҳолатда бўлган ювош ҳужумчини кўрдик. Клубдаги самарали мавсумдан сўнг июнь ойига келиб, Ромелуда куч қолмаган кўринади.

Кевин-Принс Боатенг 

Нима кутилган эди: Аввалги мундиалда Уругвайдан учралган аламли мағлубият ўчини олиш.

Натижа: Ўйлаб қарасак, биз фақат ўтмишдаги чиройли ўйинлар хаёлида юрган эканмиз. Ганаликлар пулга ўчлигидан ниятига ҳам етишди. Лекин якунда дарвозаларидан мавсумнинг энг чиройли автоголини қабул қилиб олишди.

Марио Балотелли

 

Нима кутилган эди: Италиянинг плей-оффга тўғридан-тўғри чиқиши ва ундан сўнг дискотека.

Натижа: Англия дарвозасига киритилган гол, Коста-Рикага қарши голга айлантирилмаган вазият ва Уругвайга қарши зерикарли бўлим.