«Ҳа, Леманн мендан кучлироқ эканлигига ишонадиган одамлар бор. Нима қилибди, арвоҳларга ишонадиганлар ҳам бўлади-ку». Бутун мавсум (2005/2006) давомида Оливерни Юрген Клинсманн захира дарвозабонни асосий таркибга қўйиши мумкин деган фикрни ҳаёлидан ҳайдашга ҳаракат қилди. Кан ва Леманнинг қарама-қаршилиги доим фақат бир томонлама бўлган – улардан бири термани елкасида судраб, ҳимоячиларга бақириш билан машғул бўлса, иккинчиси Бундестимга исталган дақиқада фойда келтиришга тайёр эканлигини изҳор этиб чарчамасди. 

 

Ўз юртидаги мундиалда асосий таркибдан жой олмагани Кан учун фожеа бўлганига қарамай, у хафа бўлиш, норозилик ёки умидсизлик учқунини ҳам билдирмади. Оливер ўз талаб ва эҳтиёжларини чеккага суриб қўйиб, ўриндиқдан жой олди ва жанжал-можароларга йўл қўймади. 

 

Германия – Аргентина ўртасидаги чорак финал ўйинида, пенальтилар серияси олдидан юз берган саҳнани немис операторлари жонажон термаси учун гулдурос қарсаклар илинжида шу заҳоти таблога чиқардилар.

 

 

Бир дарвозабон иккинчисининг қўлини маҳкам сиқиб, омад тилади ва Аргентина ўйинчилари нуқтадан тўпни қандай тепиши тўғрисидаги маълумотни бир парча қоғозда узатди. Барча нарса, хафачилик, гина-кудурат бир зумда унут бўлиб, Кан ўз кибру-ҳавосини енгиб, муҳим, зарур вазиятда бош рақобатчисига ёрдам берди. Леманн Камбьяссонинг пенальтидан ҳал қилувчи зарбасини қайтарди (бундан олдин Йенс Айяланинг тепган тўпини илиб олган эди), Бундестим ярим финалга чиқди ва у ерда Италия тўсиғидан ўта олмади.

 

Учинчи ўрин учун учрашувда Юрген Клинсманн буюк дарвозабонга “қарзини” қайтарди. Португалияликларга қарши ўйинда Кан бошидан охиригача ўйнаб, шундан кейингина термани бутунлай тарк этди.

 

 

 

 

Тақдирнинг аёвсиз қиличи Раймон Доменекка Африкада етиб келиб, унинг астрологик бирликлари ва 2006 йил ЖЧ финалчилари устидан масхара қилгандай бўлди. Уларга гуруҳда ЖАР ва Лотин Америкасининг икки жамоаси - Уругвай ва Мексикага дуч келди. Ўтадиган гуруҳ, уларга фақат рақибларини ютиш ва плей-офф босқичига чиқиш қолгандай эди, гўё. Ё шу қадар мураккабми бу? Аммо мураккаб бўлиб чиқди. 

 

Франция термасининг жаҳон чемпионатига берган футболчилар рўйхати дастлабки ташвишли қўнғироқ бўлди. Раймон Доменек ўз қарашларига содиқ қолиб, мундиалга бориши керак бўлган 23 ўйинчидан иборат рўйхатни мунажжим билан маслаҳатлашиб, келишиб олди. Оқибатда жаҳон чемпионатига Филипп Мексес ва сумбула буржи туғилганлиги сабабли Давид Трезеге бормайдиган бўлди. 

 

Доменекнинг футболга ёндашуви, машғулотлари, қарашлари, бошланғич таркибни танлаши, хуллас, қўйингки, ҳамма ҳаракатлари ҳам фанатлар, ҳам футболчиларнинг норозилигига сабаб бўлиб, жамоанинг қониқарсиз натижалари танқиднинг янада кўпайишига сабаб бўлди. Биринчи бўлиб Николя Анелька “қўзғолон кўтарди”. Мексика термасига қарши ўйиннинг танаффусида бош мураббий танқиди ва уни алмаштириш билан қўрқитгани учун Доменекни қўпол ҳақорат қилди. Николя узр сўрашдан бош тортганлиги учун миллий терма таркибидан чиқарилди. Бироқ бу воқеалар бошланиши эди холос.

 

 

Кейинги кун ҳам Франция термасида можаролар давом қилди: аввалига Патрис Эвра жисмоний тайёргарлик бўйича мураббий билан тортишиб қолган бўлса, сўнг ўйинчиларнинг бари машғулот майдонини тарк этдилар. Франция термасининг чап қанот ҳимоячиси кейинроқ Франция термасининг матбуот-котибига хат топшириб, унда жамоа Николя Анельканинг жамоадан ҳайдалишига қарши эканлиги билдирилган эди. 

 

Гуруҳ босқичининг сўнгги ўйинида французлар жанубий африкаликлардан мағлуб бўлиб, гуруҳда шармандали сўнгги ўринни олдилар. Раймон Доменек термадан кетиб, эндиликда француз футболининг “ертўласидаги” «Булонь-Бийанкур» болалар жамоаси билан шуғулланмоқда. Чемпионатда иштирок этган ўйинчиларнинг ярми эса бир неча ўйинга ёки умуман қайтиш ҳуқуқисиз дисквалификация қилинди.