Бразилияда ўтаётган ЖЧ-2014 сенсацияларга бой бўлмоқда. Гуруҳда Англия, Италия ва Уругвай сингари фаворит жамоаларга ютқазмасдан, “ўлим гуруҳида” биринчи ўринни эгаллаб, барчани ҳайратга солган эди. Уларнинг плей-оффдаги рақиблари ҳам ўз тарихида биринчи бор нимчорак финал йўлланмасини қўлга киритган Греция терма жамоаси бўлди.

Учрашувнинг биринчи бўлимида жамоалар дарвозаларни ишғол этишнинг уддасидан чиқа олишмади. Танаффусдан сўнг нисбатан устунликка эга бўлган марказий америкаликлар 52-дақиқада Руиснинг голи эвазига олдинга чиқиб олишди. 

Голдан сўнг греклар анча жонланди ва Навас дарвозаси олдида ҳужумлар ёмғирини амалга оширишди. Бунинг устига ҳакам 66-дақиқада Дуартега қизил карточка кўрсатиб, коста-рикаликларни мушкул аҳволга солиб қўйди.

Бироқ улар гуруҳ босқичидаги каби ҳакам томонидан қўшиб берилган вақтдагина мағлубиятдан қутулиб қолди ва асосий икки бўлим дуранг билан якунига етди.

Қўшимча икки бўлим Греция терма жамоасининг катта устунлиги билан ўтишига қарамай, ҳисоб бошқа ўзгармади.

Пенальтилар сериясида эса Коста-Рика терма жамоасига омад кулиб боқди ва сенсацион юришини давом эттирадиган бўлди. Уларнинг навбатдаги рақиби Мексикани мусобақадан чиқариб юборган Голландия терма жамоаси бўлади.

Коста-Рика – Греция 1:1 (қўш.вақт 0:0) пен. 5:3

Голлар: Руис 52 – Папастатопулос 90+1.

Коста-Рика: Навас, Гамбоа (Акоста, 77), Дуарте, Гонсалес, Уманья, Диас, Борхес, Техеда (Куберо, 66), Руис, Боланьос (Бренес, 83), Кэмпбелл.

Греция: Карнезис, Торосидис, Манолас, Папастатопулос, Холебас, Маньятис (Кацуранис, 78), Карагунис, Салпингидис (Гекас, 69), Самарис (Митроглу , 58), Христодулопулос, Самарас.

Огоҳлантиришлар: Самарис (36), Дуарте (42), Техеда (48), Гранадос (56), Руис (70), Манолас (72), Навас (90).

Четлатиш: Дуарте (66).