Яна саноқли кунлардан сўнг 4 йилликнинг энг нуфузли турнири бўлмиш футбол бўйича ЖЧ-2014 баҳсларига старт берилади. Шу муносабат билан “OPTA SPORT” ҳодимлари мусобақанинг якуний босқичида иштирок этадиган футбол юлдузларидан кучли 11 таликни тузиб чиқишди.

Қизиқарлиси шундаки, ушбу ўзига хос рамзий термага турнир фаворитларидан дея эътироф этилаётган Германия терма жамоасидан энг кўп – икки футболчи киритилди. Мюнхеннинг “Бавария” клуби аъзоси Филипп Лам терма сардорлигига муносиб кўрилган бўлса, мавсумда давомида жамоасининг 40 голида иштирок этган Дортмунднинг “Боруссия” клуби ярим ҳимоячиси Марко Ройс ҳужумчилар ортидан ўрин эгаллади.

– Футболчилар рамзий термага мавсум давомидаги 250 дан ортиқ шахсий статистикалари орқали жойлаштирилди, – дейди Буюк Британиянинг “OPTA SPORT” директори Дункан Александр «Reuters» ахборот агентлигига берган интервьюсида.

Статистикалар шуни кўрсатдики, жаҳоннинг энг кучли футболчилари Криштиану Роналду, Луис Суарес ва Лионель Месси кучли ўн бирликнинг олдинги чизиғидан ҳақли равишда ўрин эгаллади.

Таркиб билан танишинг:

Дарвозабон:

Тибо Куртуа - “Атлетико М” (Бельгия)

Ҳимоячилар:

Филипп Лам – (“Бавария”, Германия)

Диего Годин – “Атлетико М” (Уругвай)

Жоржио Келлини – (“Ювентус”, Италия)

Лейтон Бейнс – (“Эвертон”, Англия)

Яримҳимоячилар:

Артуро Видал – “Ювентус” (Чили)

Марко Ройс – (“Боруссия” Дортмунд, Германия)

Яҳё Туре – “Манчестер Сити” (Кот-д’Ивуар)

Ҳужумчилар:

Криштиану Роналду – “Реал” Мадрид (Португалия)

Луис Суарес – “Ливерпуль” (Англия)

Лионель Месси – “Барселона” (Испания)