Футбол бўйича Бразилияда ўтадиган жаҳон чемпионати мухлисларга ажойиб онларни тақдим этишига шубҳамиз йўқ. Бу мусобақада ҳам дунёнинг энг зўр юлдузлари порлайди. Аслида, жаҳон чемпионатларининг бари бир-биридан қизиқ ва такрорланмасдир. Айниқса 2006 йил Германияда ўтган мусобақалар драматик спектаклдан ҳам қизиқроқ кечганди. 

Албатта, марҳум қизиқчи Ҳожибой Тожибоев айтганидек, "чемпион бўлган Италия ҳамманинг эсидан чиқиб кетди. Ҳамма жойда Зидан калла қўйяпти".  Албатта, Зиданнинг калла қўйиши бу-  чемпионатнинг энг кульминацион нуқтаси бўлганди. Лекин, унга қадар ҳам мухлислар завқ оладиган голлар, ҳаяжонли ҳолатлар бўлдики, кўриб мазза қиласан киши. 

Келинг, биргаликда ЖЧ-2006нинг энг қизиқарли ҳолатларини ёдга оламиз. 

Мусобақанинг биринчи голини Коста Рика дарвозасига Филипп Лам киритди. Ундан сўнг Германия янада чиройлироқ голларга эга бўлди. 
   

Ўша ўйиннинг ўзида Торстен Фрингс ҳам қойилмақом зарбаси билан тарихдан жой эгаллади. 
   


Жо Коул ҳам шведлар дарвозасини ишғол қилиб хит-параддан ўрин олди. 
   


АҚШ билан ўйинда четлатишлардан ташқари МакБрайднинг қонли юзи тарихга муҳрланди. 
   

Учинчи дақиқада Дэвид Бекхэм парагвайлик Гамарранинг жаҳон чемпионатлари тарихидаги энг тез автогол муаллифи бўлишига ёрдам берди. 
   

Лионель Месси эса Жаҳон чемпионатларидаги ўзининг биринчи ва энг қизиғи, ҳозирча ягона бўлган голини урди. 
   

Украиналик Максим Калиниченко Саудия Арабистони дарвозасига тўртинчи тўпни киритиб, Украина тарихида янги саҳифа очди. 
   

Роҳатбахш голлар фестивалида ивуарлик Бакари Коне ҳам голландлар дарвозасини ишғол қилиб ўз санъатини намойиш этди. 
   

Украинанинг Испанияга қарши дебьют ўйини омадсиз якунланди (0:4). Пуйол ва Торреснинг супертехникаси олдида Блохин лашкарлари ожиз қолишди. 
   

Йосип Шимунични майдондан ҳайдаш учун Грим Пол учта сариқ карточка кўрсатишга мажбур бўлди. 
   

Гусев Швейцария билан баҳсда пенальтини аниқ бажариб Украинани чорак финалга олиб чиқди. 
   

Ҳакам томонидан қўшимча вақтнинг бешинчи дақиқасида белгиланган шубҳали пенальти Австралиянинг умидларини йўққа чиқарди. Тотти эса "мовий гвардия" билан юришини давом эттирди. 
   

1/8 финалдаги Португалия-Голландия учрашуви Валентин Ивановнинг "қойилмақом" ҳакамлиги туфайли муштлашувга айланишига бир баҳя қолди. 
   

Аргентиналик Макси Родригеснинг Мексика дарвозасига киритган ғалаба тўпи ҳам номинацияларда ғолиб бўлишга лойиқ. 
   

Испания билан ўйинда Зиданнинг бу голидан сўнг французлар чемпионликка даъво қила бошлашди. Гарчи гол урган бўлсада, Зидан ҳали унчалик машҳур эмасди(калла қўйганчалик). 
   

Бақалоқ Роналдонинг Гана дарвозасига киритган голи жаҳон чемпионатлари тарихидаги 15 гол бўлиб, янги рекорд сифатида тарихдан жой олди. 
   

Чорак финал. Тьерри Анри чемпионликка асосий даъвогар Бразилияни уйига қайтармоқда. 
   


Германия-Аргентина. Йенс Леманн Эстебан Камбьяссонинг пенальтисини қайтариб немисларни ярим финалга олиб чиқмоқда. 
   


Мана бу фокуси учун Уэйн Руни муддатидан олдин кийиниш хонасига кетишга мажбур бўлди. 
   

Рунининг четлаштирилишида асосий роль ўйнаган Криштиану Роналду энди Англия дарвозасини ишғол қилиб инглизлар олдида "ҳурматини оширди". 
   

Фабио Гроссо Италияни финалга олиб чиқди. 
   

Алессандро дель Пьеро жаҳон чемпионатлари тарихидаги энг кеч урилган гол муаллифига айланди - 121-дақиқа. 
   

Зидан яна бир марта пенальтидан гол уриб португалларни учинчи учун курашишга мажбур қилди. 
   

Швайнштайгернинг замбараги учинчи ўрин учун жангда Португалияни тор-мор қилди. 
   

Финал Зиданнинг голи билан бошланди ва ҳаммаси французлар учун яхши кетаётганди. 
   

Французларнинг хурсандчилиги узоққа чўзилмади. Финал қаҳрамонларидан бири Марко Маттераци ҳисобни тенглаштирди. 
   

Зиданнинг футбол билан хайрлашуви. 
   

Фабио Гроссо пенальтини аниқ бажариб Италияни тўртинчи бор жаҳон чемпионлигига етаклади. 
   

Фабио Каннаваро боши узра Жаҳон кубогини баланд кўтармоқда. Италия жаҳон чемпиони!