Angliya terma jamoasi hujumchisi Teo Uolkott, «MYu» hujumchisi Ueyn Runi jarohat olganligi va shu sababli futbolchi milliy terma jamoaning yaqinda bo’lib o’tadigan o’yinlarida yordam bera olmasligi xususida fikr bildirib o’tdi.

«Men Runining olgan jarohatini suratda ko’rdim. Jarohat haqiqatdan ham juda jiddiy. Bunday jarayonni ko’rish qo’rqinchli.

Afsuski endi Runi bizga yordam bera olmaydi, biroq bu boshqa o’yinchilarga o’zini ko’rsatish uchun yaxshi imkoniyat.

Daniel Starrij va Denni Uelbeklarni mavsumni yaxshi boshlaganlaridan xursandman. Riki Lambert esa milliy termada ajoyib debyut o’tkazdi. Shuning uchun murabbiyda tanlash imkoniyati katta», - deya ta’kidladi Uolkott.