Англия чемпионати 13-турининг марказий учрашуви — "Тоттенхем" - "Манчестер Юнайтед" ўйини жуда қизиқарли кечиши табиий эди. Чунки лондонликлар ўтган ҳафта Манчестерда жуда таъзирини (0:6) еб қайтганди. Манкунианликлар эса айни пайтда 8-ўринга тушиб кетди. Кеча "Арсенал" ҳам (3:0), "Ньюкасл" ҳам (2:1), "Эвертон" ҳам (4:0) ғалаба қозонишди.

"Уайт Харт Лэйн" стадионида бошланган ўйин аввалига лондонликлар босими билан старт олди. Лекин кўп ўтмай, мувозанат тенглаша борди. 15-дақиқада Руни, Валенсия ва Уелбек ажойиб комбинация билан "тақачилар" дарвозаси олдида хавфли вазият ярата олишди. Орадан 4 дақиқа ўтиб, ҳужум қилиш навбати "Тоттенхем"га келди. Кайл Уокернинг 20 метрлардан берган кучли ва ажойиб зарбаси дарвозанинг юори бурчагини топиб борди, Де Хеа бу ерда ожиз эди. Уни айблаш ҳам нотўғри.

Голдан кейин ўйин олови яна қайтадан ёнди. Ҳар икки томон бирин-кетин ҳужумлар уюштира бошлашди. 32-дақиқага келиб, ҳисоб тенглашди. Дарвозабон билан деярли бирга-бир вазиятга чиққан Руни ҳисобни тенглаштирди — 1:1. Бу Рунининг премьер лигадаги 150-юбилей голи эди. Шу ҳисоб билан жамоалар танаффусга чиқиб кетишди.

Иккинчи тайм меҳмонлар ташаббуси остида бошланди. Ўйиннинг 54-дақиқасида Сандро жуда чаққонлик билан ҳужум уюштирди ва дарвозанинг юқори ўнг бурчагига чамаси 23 метрлардан ажойиб зарба билан тўпни михлаб қўйди. Де Хеа шунчаки томошабин бўлиб турди холос. Лекин орадан уч дақиқа ўтар-ўтмас, "тақачилар" дарвозабони Льорис ўз жарима майдончасида қоида бузди ва сариқ карточка олди. Ҳакам эса пенальти белгилади. Бу пенальти Руни бехато бажариб, ўзига дубль қайд этди ва ҳисобни тенглаштирди — 2:2.

Кейинчалик икки томон тинимсиз ҳужумлар уюштиришди. Лекин наитжа ўзгармай қолди. Манкунианликлар яна дуранг қайд этишди.

Англия чемпионати, 13-тур
"Тоттенхем" - "Манчестер Юнайтед" 2:2 (1:1)
Голлар: Уокер (18), Сандро (54) - Руни (32), Руни, 57 (пенальти).
"Тоттенхем": Уго Льорис, Кайл Уокер, Майкл Доусон, Влад Кирикеш, Ян Вертонген, Сандро, Аарон Леннон (Андрос Таунсенд, 65), Муса Дембеле, Носир Шодли (Гилфи Сигурдссон, 85), Паулиньо, Роберто Сольдадо (Жермейн Дефо, 73).
"Манчестер Юнайтед": Давид Де Хеа, Жонатан Эванс, Крис Смоллинг, Неманья Видич, Патрис Эвра, Том Клеверли, Фил Жонс, Синдзи Кагава (Эшли Янг, 85), Луис Антонио Валенсия (Луиш Нани, 85), Уэйн Руни, Данни Уэлбек (Хавьер Эрнандес, 73).
Огоҳлантиришлар: Уго Льорис, 56. Патрис Эвра, 77. Фил Жонс, 80. Неманья Видич, 89.
Ҳакам: Майк Дин.
Лондон. "Уайт Харт Лэйн" стадиони.

Манба: www.uff.uz