Голландия терма жамоасининг 24 ёшли чап қанот ҳимоячиси Дейли Блинднинг Испания терма жамоасига қарши учрашувдаги ўйини мухлис ва мутахассисларни бефарқ қолдирмади. “Аякс” футболчиси икки голли пас узатганидан сўнг ОАВ вакилларини уни Луи Ван Гал кетидан “МЮ” клубига ўтиши ҳақида кўпроқ гапиришни бошлашди. Дейлининг отаси Хаби Алонсонинг отасидан фарқли ўлароқ, “Аякс” ва Голландия терма жамоасида ажойиб ўйин намойиш этган. Унинг отаси Данни Блинд 1990 ва 1994 йилги мундаилда иштирок этган. Айни вақтда ота-бола бирга Голландия терма жамоаси билан мундиалда иштирок этмоқда. Отаси Ван Гал билан мураббийлар штабидан ўрин олган. Унинг келажакдаги режалари аниқ. Мураббий келгусида “учар голланд”ларни бошқариш ниятида. Катта эҳтимол билан у Евро-2016 дан сўнг, Голландия терма жамоасига устозлик қилади.

 

 

Коста-Рика терма жамоаси ва Швециянинг АИК клубининг 26 ёшли ярим ҳимоячиси Сельсо Борхес Уругвайга қарши учрашувда асосий таркибда майдонга тушиб, турнирдаги сенсацион натижани қайд этишга ҳиссасини қўшди. Унинг отаси Алешандре Борхес Гимарайнш ЖЧ-1990 да Коста-Рика терма жамоасида таркибида учта учрашувда майдонга тушган. 2002 ва 2006 йилги мундиалда Алешандре Борхес Гимарайнш Коста-Рика термасининг бош мураббийи сифатида фаолият юритган. Терма жамоа билан эришган ютцқларидан сўнг, мамлакатида қаҳрамонга айланган. Катта Борхес келиб чиқиши бразилиялик, унинг ўғли эса Коста-Рикада туғилган ва футбол ўйнашни айнан шу ерда ўрганган.

 

Италиянинг “Наполи” жамоаси дарвозабони Пеп Рейна Испания термасидаги “учинчи рақамли дарвозабон” деган номга кўникиб қолган. Айнан шу ролда у жаҳон ва Европа чемпиони бўлган. Унинг отаси Мигель Рейна ҳам Испания термасидаги иштироки билан мақтана олмайди. “Фурия роха” сафида 5 учрашувда майдонга тушган. Ҳатто 1966 йилги ЖЧда Испания терма жамоаси таркибида бўлган. У “Барселона” таркибида юзга яқин учрашувлар ўтказган ҳолда терма сафига чақирилган. 

 

 

Уругвай терма жамоасининг юлдузлари Луис Суарес ва Эдинсон Кавани билан бир қаторда Диего Форлан ҳам ўз ўрнига эга. Суарес-Кавани-Форлан триосининг ҳаракатлари натижасида уругвайликлар ЖЧ-2010 нинг ярим финалига қадар етиб борган. Диего эса бешта голи билан ўша мундиалнинг тўпурарига айланган. Ҳозирги кунда 35 ёшли Форлан терма жамоаси таркибида 107 учрашувда майдонга тушиб, 36 гол муаллифига айланган. Уругвай термасининг юлдузлари қаторидан Диего Форланнинг отаси Пабло Форлан ҳам ўрин олган. Пабло Форлан 1966 ва 1974 йилги мундиалда иштирок этган. Яна шуни таъкидлаш керакки, Форланлар футболчилар оиласи ҳисобланади. Форланнинг онаси томондан буваси Хуан Карлос Корассо ҳам Уругвай терма жамоаси сафида тўп сурган. Футболчи сифатида Аргентинанинг “Индепендьенте” таркибида машҳур бўлган. Кейинчалик эса 1955 йилдан 1967 йилга қадар терма жамоани бошқарган. Бош мураббий сифатида икки бор Жанубий Америка чемпионлигини қўлга киритган. Диегонинг икки тоғаси Хосе Пасториса ва Рикардо Бочини ҳам футбол оламида ўз ўрнига эга.

 

 

Эрнандес

 

 

Юртимизда ҳам футболни севадиган оилалар талайгина топилади. Улар орасида ўзбек футболининг ёрқин намоёндалари Биродар ва Азамат Абдураимовлар айни ватда ўсиб келаётган ёш авлодга ўрнак бўлади. Уларнинг майдонда кўрсатган ўйинлари футболсевар мухлисларни ҳайратга солиб ўзига ром қилган. 

Шунингдек Денисовлар, Қосимовлар, Шквиринлар ҳам ўзбек футболида муносиб ўрин эгаллаган.