Главная » 2014 » Апрель » 28 » Миллиардлар ҳамма учун ёки УЕФА футбаолчиларнинг маоши тўғрисида

---

21:56 Миллиардлар ҳамма учун ёки УЕФА футбаолчиларнинг маоши тўғрисида

Навбатдаги йил маърузасида УЕФА «кўҳна қитъа» футболчиларининг маоши ошаётганини таъкидлади. Йилига 600 млн. қўшиляпти Юқоридагидан маълум бўлишича, маош ҳар қандай клубнинг чиқимида олдинги ўринлардан бирини эгаллайди. Ўртача олганда, жамоа ишлаб топган маблағнинг 65 фоизи айнан ходимларни ушлаб туришга кетади. Европадаги 5та етакчи чемпионатда эса бу кўрсаткич 61 фоиздан (Испания) 69 фоизга (Англия ва Италия) етади. Энг юқори (80 фоиздан ошиқ) кўрсаткичлар эса Шарқий Европа ва Исроил чемпионатларига хос (Болгария, Черногория, Венгрия каби). Бунда клубнинг оддий ходимидан тортиб, футболчиларга бериладиган барча тўловлар (маош, бонус, мукофот, ижтимоий ажратмалар ва бошқалар) ҳисобга олинган. Таъкидлаш керак, «бошқа», аниқроғи баҳсларда иштирок этмайдиган ходимларга маош учун ажратилган жами маблағнинг 21 фоизигина тегади. УЕФА йил сайин маошлар миқдори ошаётганини қайд қиляпти. 2012 йилда бу мақсадга жами 9 млрд. евро ажратилган ва йил сайин бу рақам тахминан 580 млн.га кўпаймоқда (7 фоизга). Шунга қарамай, клуб мутасаддилари хафа эмаслар, ахир жамоаларнинг фойдаси ҳам ортмоқда. Клуб учун 237 миллион Маблағларни беҳуда сарфлаётган 50 клубнинг 15таси Англияда, 8тадан Германия ва Италияда, Испания ва Россияда 6тадан, Франция ва Туркияда эса сал камроқ - 5 тадан. Молиявий fair play ниҳоясига етгунча, барча маърузалар аноним кўринишида бўлади, шу боис ҳам жамоаларнинг номи аниқ кўрсатилмаган. Шундай бўлсада, қайсидир бир клуб 2012 йилда нақ 237 миллион еврони кўкка совургани аниқ - бу Европа чемпионатларида 25-ўринни банд қилган жамоа чиқимидан 3 марта, 50-ўриндагисидан эса 4,5 марта кўп демакдир. Дарвоқе, ҳайратланишга ҳожат ҳам йўқ: УЕФА клублар молиявий имкониятларидаги жарликлар ҳақида мана 8 йилдирки, гапириб келмоқда. Шунингдек, улар маошлар кўпинча трансферлардаги омадга ҳам боғлиқлигини айтишмоқда. Мутахассисларнинг фикрича, кирим-чиқимдаги ўта юқори кўрсаткичлар (80 фоиз ва ундан юқори)ни клуб бюджети кўпинча трансферлар ортидан топилган пул орқали ёпади. Ахир футболчиларга келишувдаги маблағ тўланмаса, улар муддатидан олдин топ-чемпионатларга кетиб қолишлари мумкин. Маошлар қандай қилиб ошяпти? 2007-2012 йилларда маошлар ўртача 49 фоизга кўтарилди, агар инфляцияни ҳам ҳисобга оладиган бўлсак, бу рақам 59 фоизни ташкил этди. Барча лигалардаги энг катта ўсиш 2008 йилда қайд қилинган. Шундан сўнг аҳвол бирмунча барқарорлашгандай бўлди ва топ-чемпионатлардаги ўртача ўсиш йилига 7 фоизни ташкил этмоқда. Россияда эса аҳвол бошқача - 2010 йилда футбол маошлари бор-йўғи 9 фоизга ошди, сўнгги 2 йилда эса бу рақам 20-26 фоизга етди. Балким бу Диарра, Это`О ва бошқа юлдузларнинг чемпионатдаги иштироки билан боғлиқдир.

1 2 3 4 5 Просмотров: 385 | Добавил: ADMINSTRATOR | Рейтинг: 0.0/0

Хамма изохлар: 0