Мана мундиалнинг гуруҳ ва нимчорак босқичи ҳам ниҳоясига етди. Муҳлислар бир биридан қизиқарли ва ҳайратланарли воқеаларга гувоҳ бўлишди. Манаман деган жамоалар кутилмаганда гуруҳ босқичининг ўзидаёқ уйларига қайтишди. 

Эътиборингизга яна бир бор термаларни она Ватанида ким ва қандай кутиб олганлигини ёдингизга солмоқчимиз.

Англия

Англиялик футболчилар уйларига қайтишди. Уларни ҳеч ким илиқ кутиб олмади.

Рой Хожсоннинг жамоаси Англияга қайтиб келди. Аэропортнинг ходимлари футболчиларнинг юклари орасидан Лейтон Бэйнснинг гитараси , Жек Уилшер ва Окслейд-Чемберлейнларнинг X-Box ни кўриб қолишди.

Терма жамоанинг қайтиш куни барчага эълон қилинган эди. Бироқ футболчилар самолётдан тушишганда, улар ҳеч қандай содиқ мухлис ва уларни орқасидан қувиб юрадиган журналистларга дуч келишмади. Аэропорт ходимлари ҳам уларни кўришни истамаётгандек қарашди.

Фақатгина битта мухлиса Руни, Жеррард, Лэмпард ва терма жамоадаги бошқа футболчиларга жим қараб турарди.

Жанубий Корея

Жанубий Корея терма жамоаси мухлислари жамоанинг ЖЧ-2014 даги ўйинларидан кўнгиллари тўлмади. Кореянинг Инчхон аэропортида терма жамоани кутиб олган мухлислар ирис қандларини футболчиларга қарата отишди. Бундай ҳолат Кореяда ҳақорат билан тенгдир. 

Россия

Кейинги мундиала мезбонлари гуруҳдаги омадсиз иштирокидан сўнг кейинги босқичга эмас балки аэропортдаги самолётга чиқишди.

Москва шаҳрига қўнган самалётни унчалик кўп одамлар кутиб олгани йўқ. Фақатгина футболчи оила аъзолари ва Россия футбол Иттифоқи вакиллари. Футболчиларнинг ўзлари эса ҳеч ким билан гаплашишни истамай тўғри автобус томон йўл олишди. Фақатгина бош мураббий Фабио Капелло юзида таббасум билан кутиб олувчиларга хурсанд ҳолда қаради.

Испания

Испанларнинг омадсизлиги улар чиққан  самолёт Бразилия аэропортига қўнгандан сўнг бошланган бўлса керак. Амалдаги жаҳон чемпионларини Бразилияда ҳеч ким кутиб олмади. Аммо терма жамоанинг Кутирибадаги базасида испанларни 200 га яқин мухлис қарши олди.

“Фурия роҳа” футболчилари мундиалнинг гуруҳ босқичи иккинчи турида Чилига мағлубиятга учраб, кейинги босқичга чиқиш имкониятини қўлдан бой берди.

El Pais нинг хабарига кўра, терма жамоа самолёти Мадридга 24 июнь куни Тошкент вақти билан 15:00 да қўнган. Футболчилар журналистлар билан гаплашишни истамай, автобусга тўғри йўл олишган. Боз устига мухлисларнинг ўзи терма жамоа қайтиб келса, кутиб олмасликним маълум қилишган. Албатта, амалдаги жаҳон чемпионларига  хос бўлмаган ўйинлардан сўнг ким ҳам хурсанд бўлади, дейсиз.

Испания терма жамоаси мухлислари Евро-2012 дан сўнг

Бразилиялик мухлис испанларга оқ йўл тилади

Испания мухлислари ЖЧ-2014 гуруҳ босқичидан сўнг

Видео

Италия

Мухлис ва мутахассислар Италия терма жамоасида ҳам яхши натижа кўришмади. Биринчи учрашувда Англияга қарши (2:1) керакли ғалабадан сўнг, Уругвай ва Коста-Рикадан аламли мағлубият қабул қилишди. Айниқса, Коста-Рикага билан учрашувда.

Жазоир

Уйига қайтганлар орасида энг яхши кутиб олингани Жазоир терма жамоаси бўлди. Бу ерда кўп гапга ҳожат йўқ. Шунчаки томоша қилинг.

Эҳҳ... биз қачон терма жамоамизни мундиалдан кутиб олар эканмиз?

Манба: FAPL.uz