Главная » 2014 » Апрель » 5 » «Манчестер Сити» тутқич бермас «Саутгемптон»ни мағлуб этди

---

18:52 «Манчестер Сити» тутқич бермас «Саутгемптон»ни мағлуб этди

Англия Премьер-лигаси 33-туридан ўрин олган «Манчестер Сити» - «Саутгемптон» учрашуви ўз ниҳоясига етди ва унда «шаҳарликлар» ишончли бўлган ғалабани қўлга киритишди. Учрашувнинг биринчи дақиқалариданоқ манчестерликлар олдинга интилишди ва кўплаб ҳужумлар уюштиришни бошлашди. 2-дақиқага келибоқ мехмонлар ҳимоячиси жарима майдонига кириб келаётган Жекони қўполлик билан тўхтатди, ҳакам белгилаган пенальтини бўлса Яҳё Туре аниқ амалга оширди, 1:0. Мазкур голдан сўнг Почетино шогирдлари «Сити»га «чиройли ўйин» нима эканини кўрсатиб қўйишди. Адам Лаллана, Жей Родригес, Шнайдерлин, Ламберт каби ҳужум чизи вакиллари билан «Саутгемптон» рақибини ўз жарима майдонига «қамал» қилиб қўйди. 26 дақиқада Англия терма жамоаси сафида ЖЧга боришга жуда яқин турган Жей Родригес тиззасидан жуда оғир жароҳат олди ва майдонни тарк этди. 37 дақиқага келиб Сабалетта Девисни жарима майдонида чалиб йиқитди ва ҳакам бу сафар ҳам 11 метрли нуқтани кўрсатди. Тўпга яқинлашган Пол Ламберт нишондан адашмади, 1:1. Ҳакам томонидан биринчи бўлимга 4 дақиқа қўшиб берилди. Мазкур дақиқалар «Сити»га 2 та гол уриш учун етди. Аввалига Сильванинг узатмасидан сўнг Насри жамоасини ҳисобда олдинга олиб чиққан бўлса, қўшиб берилган сўнгги дақиқада Коларовнинг узатмасини Жеко боши билан дарвозага тўғрилаб қўйди, 3:1. Иккинчи бўлимда бўлса «Саутгемптон» қанчалик уринмасин «Сити» клуби савияси олдида ҳеч нарса қила олмади, захирадан майдонга тушган Йоветичнинг 81 дақиқадаги голи ўйиндаги сўнггиси бўлди ва якуний ҳисобни ўрнатди, 4:1. Мазкур ғалабадан сўнг «Сити» Англия Премьер-лигаси мусобақа жадвалининг 2-ўрнига 70 очко билан кўтарилиб олди ва улар энди «Ливерпуль»дан бор йўғи 1 очкога ортда боришмоқда. Эслатиб ўтамиз, «шаҳарликлар»да захирада битта ўйин бор. Манчестер Сити – Саутгемптон 4:1 (3:1) Голлар: 1:0 – 3, пенальти Яҳё Туре, 1:1 – 37, пенальти Ламберт, 2:1 – 45 Насри, 3:1 – 45 Жеко, 4:1 – 81 Йоветич. Манчестер Сити – Жо Харт, Сабалета, Демичелис, Компани, Коларов, Яҳё Туре, Фернандиньо (Хави Гарсия, 46), Насри, Сильва (Йоветич, 77), Навас, Жеко (Негредо, 65). Саутгемптон – Гассанига, Чемберс, Фонте, Ловрен, Шоу, Корк (Ваньяма, 80), Шнайдерлин, Жей Родригес (Уорд-Проуз, 26), С. Дэвис (Галлахер, 75), Лаллана, Ламберт. Огоҳлантиришлар: Фернандиньо (44), Хави Гарсия (68), Яҳё Туре (78) Манба: fapl.uz

1 2 3 4 5 Категория: Манн Сити | Просмотров: 329 | Добавил: ADMINSTRATOR | Рейтинг: 0.0/0

Хамма изохлар: 0