Чемпионлар лигаси гуруҳ босқичи доирасида «Манчестер Юнайтед» ўз майдонида Леверкузеннинг «Байер» жамоасини қабул қилди ва ғалаба қозонди.

Бу учрашувда Руни иккита гол киритди ва Валенсия киритган голга ассистентлик қилди.

Ван Перси бўлса ўз навбатида Валенсия томонидан етказиб берилган тўпни 59 дақиқада жуда чиройли тарзда голга айлантира олди.

Германиялик ўзларининг номдор рақибларига икки бора жавоб қайтара олишди. Ўйиннинг 54 дақиқасида Рольфес Де Хеа қўриқлаётган дарвозанинг ўнг бурчагини аниқ нишонга олган бўлса, учрашув якунида Топрак бурчак тўпидан гол урди.

Шу тариқа 4:2 ҳисобида ғалаба қозонган Девид Мойес шогирдлари «А» гуруҳи етакчисига айланиб олишди.

Европа чемпионлари лигаси
Гуруҳ босқичи, 1-тур

Манчестер Юнайтед – Байер 4:2 (1:0)
Голлар: 1:0 – 22 Руни, 1:1 – 54 Рольфес, 2:1 – 59 ван Перси, 3:1 – 70 Руни, 4:1 – 79 Валенсия, 4:2 – 88 Топрак.
Манчестер Юнайтед – Де Хеа, Смоллинг, Рио Фердинанд, Видич, Эвра, Кэррик, Валенсия, Кагава (Эшли Янг, 71), Феллайни (Клеверли, 80), ван Перси, Руни (Х. Эрнандес, 86).
Байер – Лено, Ж. Донати, Спахич, Топрак, Бениш, Райнартц, Жан, Рольфес, Сэм (Круз, 78), Сон Хен Мин (Л. Бендер, 64), Кисслинг (Дердийок, 78).
Огоҳлантиришлар: Сон Хен Мин (14), Райнартц (19), ван Перси (39).

Манба: www.uff.uz