Англия Премьер-лигаси, 37-тур

“Эвертон” – “Ман Сити”

Майдон: “Гудисон Парк”

Бош ҳакам: Ли Проберт

Бошланиш вақти: 3 май, 21:30 (Тошкент вақти билан)

Англия Премьер-лигаси 37-турининг марказий учрашувида “Эвертон” ўз майдонида Мануэль Пеллегрини шогирдларини қабул қилади. Ливерпуллик жамоа ўз ҳамшаҳарларига бугун ёрдам берармикан?

Аввало, жамоаларнинг ўтган турдаги натижаларини эсга олсак. Сафарда “Саутгемптон” меҳмони бўлган “мерсисайдликлар” ўйига очкосиз қайтишга мажбур бўлганди. Алькараз ва Шеймус Коулменнинг автоголлари эвазига, “Саутгемптон” ўтган турда 3 очкони “совға” тариқасида қабул қилди. Ҳозирда, Роберто Мартинес жамоаси 69 очко билан 5-пағонани эгаллаб турибди. Умуман олганда, мавсум сўнгида “Эвертон” ўзини йўқотиб қўйгандек. Тўртинчи учун курашда фаол қатнашган “Эвертон” сўнгги уч учрашувда атиги 3 очко ишлаб олди ва ЕЧЛга чиқиш имконидан деярли маҳрум бўлди. Ушбу натижаларни кўриб чиқишингиз мумкин:

16.04.2014 “Эвертон” 2 : 3 “Кристал Пэлас”

20.04.2014 “Эвертон” 2 : 0 “Ман Юнайтед”

26.04.2014 “Саутгемптон” 2 : 0 “Эвертон”

“Эвертон”дан бир пағона баланд турган “Арсенал” ҳисобида 73 очко борлигини инобатга олсак, Роберто Мартинес жамоасига бугун фақат ғалаба керак бўлади. Ўз навбатида “Эвертон”нинг ғалабаси “Ливерпуль”га анча қўл келиши табиий. Бироқ, “Эвертон”, ҳамшаҳар клуб ва азалий рақиби “Ливерпуль”га ёрдам беришга тайёр-ми, йўқ-ми, буни вақт кўрсатади.

“Ман Сити”га келадиган бўлсак, “шаҳарликлар” сўнгги турга қадар интригани сақлаб келишмоқда. “Сандерленд” билан кутилмаганда дуранг ўйнаган Роберто Мартинес шогирдлари, чемпионликдан умидини узгандек эди. Аммо, ўтган турда Жозе Моуриньо нафақат ўзига, балки “Ман Сити”га ҳам сўнгги умид кулшанини тақдим қилди. Жеррарднинг ўша қўпол ҳатоси икки рақибга фойда келтирди. Агарда пешқадамлар (бу ерда “Ливерпуль” ва “Ман Сити” назарда тутилмоқда) колган ўйинларда ҳам муваффақиятга эришса, чемпион номи голлар нисбати билан аниқланади. Бу эса, бизни 2010/11 йилги мавсумни ёд олишга мажбур қилади.

“Ман Сити” бугунги рақибидан фарқли ўлароқ сўнгги учта учрашувда 7 очко ишлаган:

16.04.2014 “Ман Сити” 2 : 2 “Сандерленд”

21.04.2014 “Ман Сити” 3 : 1 “Вест Бромвич”

27.04.2014 “Кристал Пэлас” 0 : 2 “Ман Сити”

35 учрашувдан сўнг, “шаҳарликлар” ҳисобида 77 очко ва битта заҳира ўйини мавжуд. Демак, Мануэль Пеллегрини бор кучини ишга солган ҳолда, бугун, “Гудисон Парк” яшил майдонига ташриф буюради.

Фикрларимизни якунлашдан аввал, жамоалар ўртасидаги учрашувлар статистикасига назар ташласак:

Жами 173 та ўйин, 66 ғалаба , 43 дуранг ва 64 мағлубият

Ўзаро ўйинларда “мерсисайдликлар” яхшироқ натижага эришганлиги гувоҳи бўлиб турибсиз. Сўнгги беш учрашувда эса жамоалар бир хил очко тўплашган. Бугун ким ғалаба қозонишини, ҳатто таҳмин қилиш ҳам қийин.

Бугунги ўйин натижаси, кўп саволларга жавоб олиш имконини беради. Нима бўлганда ҳам кучлиларга омад тилаймиз.

Манба: www.fapl.uz