Гап шундаки, “Челси” ўз ўйинларини ўтказадиган “Стэмфорд Бридж” стадионида айнан “Фулхэм” даҳасида жойлашган. Бу стадионда эса Европа Чемпионлар лигасида ярим финалнинг иккинчи жуфтлиги жавоб баҳси бўлиб ўтади. Унда “Челси” Мадриднинг “Атлетико” клубини қабул қилади.

Кеча Роналду, Коэнтрау ва Пепе Португалия пойтахти Лиссабонда жойлашган “Эстадио да Луж” стадионида бўладиган финалга йўлланмани қўлга киритди. Бугунги ярим финалдан кейин ҳам португалиялик инсон финалга чиқади. Бу “Челси”дан Жозе Моуриньо ёки “Атлетико” Тьягу Мендеш бўлиши мумкин.

Биринчи ўйинда қайд этилган голсиз дуранг ҳар икки жамоадан янада ҳушёрликни талаб қилиши, шубҳасиз. Чунки мезбонлар дарвозасидан гол ўтказиб юборса, бунга камида 2та тўп билан жавоб беришлари талаб этилади. Меҳмонлар шундай ҳолга тушишса, унда “Челси”нинг қаршилигини енгиш жуда қийин бўлади.

Лондонликлар АПЛда “Ливерпуль"га қарши учрашувда захира футболчиларига имконият беришди. “Атлетико” эса ла лигада чемпионлик учун курашаётгани сабабли асосий ўйинчиларга дам бермаяпти. Азар ва Это`О жароҳат сабабли дастлабки дақиқалардан майдонга тушмаслиги мумкин.

Бундай ҳолатда Азарнинг ўрнини Шюррле эгаллайди. Ҳужумчилар борасида Моуриньо Торресга ишонч билдирса керак. Терри сафга қайтиб улгурди, Чехнинг жароҳати жиддий ва Шварцер асосий таркибда ўйнайди. Португалиялик мутахассис Азарнинг дастлабки дақиқалардан ҳаракат қилиши борасида бир қарорга келиши лозим.

Эден жароҳатини даволатди, лекин ҳозирча фақат машғулотларда иштирок этди. Лэмпард ва Микель сариқ карточкалар туфайли майдонга тушмайди. Демак, бугун Моуриньо таркибдаги муаммоларни ҳал қилиши керак. Унинг вазиятдан қандай чиқиб кетишини кузатиш ҳамиша қизиқарли.

Диего Симеоне эса фақат дисквалификацияга учраган Габининг хизматидан фойдаланмайди. У таркибда кескин ўзгаришлар қилмаслиги кутилмоқда. Мадридликлар доимгидек стандарт вазиятлар ва қарши ҳужумларга эътибор қаратишади. Ўз навбатида "Челси"дан ҳам шундай ўйин кутиш мумкин. Бу беллашувда биринчи гол жуда кўп нарсани ўзгартириб юбориши табиий.

ЧЕЛСИ – АТЛЕТИКО  

Бугун. 23:45. Лондон. “Стэмфорд Бридж” стадиони.

Бош ҳакам: Никола Риццоли (Италия).

Тахминий таркиблар

“Челси”: Шварцер – Иванович, Кейхилл, Терри, Аспиликуэта – Давид Луис, Рамирес – Шюррле, Оскар, Виллиан – Торрес.

“Атлетико”: Куртуа – Хуанфран, Миранда, Годин, Филипе Луис – Рауль Гарсия, Тьягу, Марио Суарес, Коке – Диего Коста, Вилья.

Жароҳатланган: Чех (“Челси”).

Дисквалификация: Лэмпард, Микель – Габи

Манба: www.fapl.uz