Жаҳон чемпионати мусобақасининг чорак финалидан ўрин олган Голландия ҳамда Коста-Рика терма жамоалари ўртасидаги учрашув ниҳоясига етди. Унда 0:0 ҳисобидаги дуранг натижа қайд этилди.

Ўзбекистонлик ҳакам Равшан Эрматов бошқариб борган ушбу ўйинда қўшимча дақиқалар белгиланди. Томонлар унда ҳам дарвозага йўл топа олишмади. Коста-Рика дарвозабони Навас ажойиб ўйин кўрсатди.

Голландия футболчилар кўплаб вазиятларни юзага келтиришган бўлсада, омад европаликлардан юз ўгираверди. Снейдеринг ўзида камида икки марта голлик вазиятлар бўлди. Роббен ҳам ўйинни юксак савияда ўтказди. Қўшимча вақтларда ҳам дарвозалар дахлсизлиги сақланиб қолингач, ғолиб номи пенальтилар сериясида аниқланди.

Бунда эса, тажриба ўз сўзини айтди. Ван Перси, Роббен, Снейдер ва Куйтлар пенальтини аниқ ижро этиб, ўз термаларини ярим финалга олиб чиқишди.

Шу ўринда алоҳида таъкидлаган бўлардик, Луи ван Гал сўнгги сониялардан захирадан янги дарвозабон Крулни туширди ва ушбу посбон икки тўпни қайтаришга муваффақ бўлди.

Шу тариқа Голландия термаси ярим финалга йўл олди. Энди улар ярим финалда Аргентина билан ўзаро ҳисоб-китоб қилишади.

Жаҳон чемпионати, чорак финал
Голландия – Коста-Рика 0:0 (0:0, 0:0, 0:0, 0:0), пенальти бўйича - 4:3
Голландия – Силессен (Крул, 120), де Врей, Влар, Мартинс Инди (Хунтелар, 106), Кюйт, Вейналдум, Блинд, Депай (Ленс, 76), Снейдер, ван Перси, Роббен.
Коста-Рика – Навас, Гамбоа (Майри, 79), Гонсалес, Уманья, Акоста, Диас, Борхес, Техеда (Куберо, 97), Руис, Боланьос, Кэмпбелл (Уренья, 66).
Пенальтилар: 1:0, 1:1, 2:1, 2:2, 3:2, 3:3, 4:3.
Огоҳлантиришлар: Диас (37), Уманья (52), Мартинс Инди (64), Гонсалес (81), Акоста (107), Хунтелар (111).