Жаҳонга машҳур Forbes молиявий журналининг маълум қилишича, дунёнинг энг қиммат йигирмата клубининг еттитаси тўққиз миллиардерга тегишли экан. Энг кўп миллиардери бор клуб эса Лондоннинг «Арсенал»и бўлиб, унда учта миллиардернинг ҳиссаси бор. Маълумотда келтирилишича, энг қимматбаҳо ҳисобланган йигирмата клубнинг ўртача нархи ҳозирги кунда 1 миллиард доллардан баҳоланмоқда, бу кейинги икки йилда нархоларнинг 36 фоизга ошганини билдиради.

"Арсенал" клуби америкалик спорт магнати Стэн Кронкега тегишли ва акцияларнинг назорат пакетига эга. Кронке Walmart бизнес-империяси меросхўрининг турмуш ўртоғи ва унинг ҳисобида 5,6 млрд. доллар бор. Шунингдек, ушбу клубдаги россиялик Алишер Усмонов 18,6 млрд ва унинг шериги Фарход Мошири эса $2,7 млрдга эгалик қилади.

Италиянинг “Милан” клуби хўжайини Сильвио Берлускони ($9,2 млрд) медиа ва Мадриднинг “Реал” клуби президенти Флорентино Перес ($2,3) қурилиш магнати ҳисобланади. Яна 4 миллиардер Англия премьер-лигаси клубларига хўжайинлик қилади: Америкалик бизнесмен Жон Генри ($1,5 млрд) "Ливерпул"га, Жо Льюис ($4,9 млрд) – "Тоттенхэм", Малкольм Глейзер ($4,5 млрд) – "Манчестер Юнайтед" ва россиялик Роман Абрамович ($9,3 млрд) "Челси" клубига эгалик қилади.