Главная » 2014 » Апрель » 9 » ЕЧЛ ¼ финал жавоб учрашуви. “Бавария” – “МЮ”. Превью

---

16:20 ЕЧЛ ¼ финал жавоб учрашуви. “Бавария” – “МЮ”. Превью

ЕЧЛ 1/4 финал жавоб учрашуви. “Бавария” – “Манчестер Юнайтед” Майдон: “Альянц Арена” Бош ҳакам: Ховард Уэбб Ҳакам ёрдамчилари: МайклМалларки, Даррен Кэнн Заҳирадаги ҳакам: Жейк Коллин Бошланиш вақти: 9-апрель, 23:45 Биринчи учрашув: “МЮ” 1:1 “Бавария” “Бавария” ҳамда “Манчестер Юнайтед” ўртасидаги учрашувни таҳлил қилишдан аввал, кеча бўлиб ўтган ¼ финал жавоб учрашувларига назар ташласак. ЕЧЛ иккита ярим финалчилари аниқланди: “Реал Мадрид” сал бўлмаса ЕЧЛсини тарк этиши мумкин эди. Сафарда “Боруссия Д”га имкониятни бой берган “Реал Мадрид” 2:0 ҳисобида мағлуб бўлган бўлсада, икки ўйин натижасига кўра (2:3) немис футболчиларидан кучли бўлди. Криштиану Роналдусиз заифлашган Карло Анчелотти шогирдлари португалиялик ҳужумчига анча боғланиб қолганлиги яққол сезилди. Нима бўлганда ҳам, “Реал Мадрид” ярим финалга йўл олди. Параллель равишда ўтказилган “Челси”-“ПСЖ” учрашуви эса “парижликлар” учун драмматик тарзда якун топди. Учрашув 2:0 ҳисобида майдон эгалари фойдасига ҳал бўлди. Жозе Моуриньо эса ҳақиқатдан ҳам кучли, қобилиятли ва сезгир мураббий эканини яна бир бор исботлади. Мураббий томонидан майдонга тушурилган Шюррле ҳамда Ба “лондонликлар”га ғалаба келтирди ва кейинги босқичга йўл олишига ёрдам берди. Бугун эса, “Альянц Арена”да ”Бавария” азалий рақиби “Манчестер Юнайтед”ни қабул қилади. Эсингизда бўлса, чорак финалнинг биринчи учрашувида кўпчилик “Бавария”ни фаворит дея эътироф этганди. Бироқ ўша ўйинда жанговар дурранг қайд этилганди (1:1). Бугунги учрашувда “МЮ” фақат ва фақат ғалаба сари интилиши керак. Пеп Гравдиола шогирдларини эса 0:0 ҳисоби қониқтиради. Аммо, ўйлаймизки, “Бавария” ҳам бўш келмай “Қизил Иблислар”га қарши очиқ футбол намойиш қилади. Қизиғи шундаки “Манчестер Юнайтед” бирон марта ҳам сафарда “Бавария” устидан ғалаба қозонмаган. Ушбу факт эса ўз навбатида Дэвид Мойесни ҳавотирга солиши аниқ. Бироқ, “Бавария” 2012 йилдан буён ЕЧЛ учрашувларида Англия жамоаларига қарши салбий натижа кўрсатган. Сўнгги тўрт учрашувда “Бавария” бирон маротаба ҳам АПЛ жамоаларини ўз майдонида мағлуб қилмаган ("Ман Сити" ҳамда "Арсенал"). Мана шу нарса Дэвид Мойесга бир оз бўлсада жавоб учрашувида ғалаба қозонишга ишонч боғлайди. Дэвид Мойес учрашув олдидан ўз фикрларини ҳам билдириб ўтган: “Бавария”га қарши ўйинда ҳар бир футболчи жанг қилишга тайёр бўлиши керак. Биринчи учрашувда қўлимиздан келган барчасини қилдик. Навбатдаги босқичга ўтиш учун эса биз олдимизда турган тўсиқни ошиб ўтишимиз зарур”, - дейди, “МЮ” бош мураббийи. Учрашув олдидан таҳминий таркиб билан танишиб олишингиз мумкин: “Бавария”: Нойер – Рафинья, Данте, Боатенг, Алаба, Лам, Роббен, Рибери, Гётце, Кроос, Манжукич “МЮ”: Де Хеа – Фердинанд, Видич, Жонс, Эвра, Кэррик, Феллаини,Кагава, Валенсия, Руни, Уэлбек Шу ўйирда айтиш керакки, Биринчи учрашувда жароҳат олган Рунининг майдонга тушиши ҳозиргача сўроқ остида турибди. Аммо, Дэвид Мойес қандай бўлмасин Руни “МЮ” асосий таркибида майдонга тушишини таъкидлаган: - Уэйнга оғриқ қондирадиган дорилар бериб бўлсаям, майдонга туширамиз, - деди, “МЮ” бош мураббийи Мазкур ўйиннинг онлайн трансляциясини, бизнинг сайтимиз орқали кузатиб бориш имконига эгасиз.

1 2 3 4 5 Категория: Ман Юнд | Просмотров: 484 | Добавил: ADMINSTRATOR | Рейтинг: 0.0/0

Хамма изохлар: 0