Мухлисларни бу футболчилардан умиди катта эди. Улар ўзларига билдирилган ишончни оқламадилар. Танишинг, Италия ҳужумчиси ва рус дарвозабони бошчилигидаги гуруҳ баҳсларининг антитерма жамоаси:

Дарвозабон:

Игорь Акинфеев (Россия)

ЦСКА дарвозабони, ўзи учун даҳшатли тушдек ўтган, бу турнирни яхшиси тезроқ унутиши лозим. Меҳмонхонада бошқалардан ажралиб яшаш, Жанубий Кореяга қарши ўйиндаги ўта қўпол хато, Бельгия билан бўлган ўйинда жонли деворни нотўғри қўйиш, асосийси – Жазоир термасига қарши ўйинда тўпга ўта ноаниқлик билан чиқиш. Африка термаси ишқибозлари ўн дақиқача лазер чироғи билан Игорни қийнашга ҳаракат қилдилар. Ўз мураббийидан фарқли ўлароқ, Акинфеев айбни ҳакам ва мухлисларга тўнкамади балки, ўз бўйнига олди. Умид қиламизки, омадсизликлар ЦСКА голкиперини синдира олмайди.

Ҳимоя:

Жон Бойе (Гана)

Гана термаси жорий жаҳон кубогидаги Африка термалари орасида энг кучлиларидан бири эди. Афсуски, “қора юлдузлар”га яна кибр-ҳаво ва терма ичидаги ярамас муҳит ҳалақит берди. Футболчилар мукофот пулини тезроқ олиш учун шу даражда кўп куч сарфладиларки, Португалия билан асосий ўйинда плей- офф босқичига чиқишга бир донагина гол учун кучлари етмай қолди. Жон Бойе, нақд пулни рамзий тарзда ўпиб суратга тушган футболчи тўпни ўз дарвозасига , жамоасини бўлса мундиалдан узоқроққа жўнатиб юборди.

Алексей Козлов (Россия)

Жазоирга қарши ўйинда Фабио Капелло ўнг томон ҳимоячисини танлашда адашди. Айнан, Козлов теп-текис жойда қоидани бузди ва африкаликлар ўша ердан жарима тўпини тепиб гол киритдилар. Кейин эса, майдон четидан икки марта нўноқларча тўп узатишга ҳаракат қилиб, тўпни ва қимматли вақтни йўқотди.

Сулейман Бамба (Кот-д’Ивуар)

Кот-д’Ивуар термаси, мундиалда шу пайтгача бирорта гол урмаган грекларга қарши ўтказилган асосий ўйинда иккита тўп ўтказиб юборди. Асосан, Сабри Лямуши термасини ҳимоя чизиғи омадсиз ўйнаганини алоҳида айтиб ўтиш керак. Сулейман Бамба жуда кўп хатога йўл қўйгани учун омадсиз терма жамоадан жой олишга юз фоиз ҳақли. Африкаликлар бундай ҳолатда сўзсиз гуруҳдан чиқишлари лозим эди.

Ведран Чорлука (Хорватия)

Мексикаликлар хорватлардан ҳар томонлама кучли эканлигини кўрсатишди, лекин, бизни ҳайрон қолдирган ҳолат уларнинг иккинчи қаватдаги устунлиги бўлди. Баланд бўйли ва кучли хорватлар Эррера термасига қарши стандарт вазиятлар пайтида ҳеч нарса қила олмадилар. Бунда хорватлар ҳимоя қўрғони лидери Вердан Чорлукани жавобгар қилмай иложимиз йўқ. Унинг ўзи курашларда ютқазиб, шериклари билан керак даражадаги ҳимояни ташкил эта олмади.

Ярим ҳимоя:

Клаудио Маркизио (Италия)

Маркизиони майдондан четлатилиши Италия ва Уругвай баҳсида катта бурилиш ясади. Агар, итальянлар тўлиқ таркиб билан ўйнашни давом эттиришганларида рақибга Буффон дарвозасини сиқувга олишга йўл қўймаган бўлар эдилар. Ҳакам қарорини нотўғри деб бўлмайди, бутсисининг тишлари билан рақиб оёқларини мўлжалга олган “Ювентус” ўйинчисига қизил карточка кўрсатилиши тайин эди. Атайинми, ёки билмасданми буниси бошқа мавзу. Нима бўлганда ҳам ҳимоячи жуда эҳтиётсизлик билан ўйнаб, ўз жамоасини мағлубиятга юз тутишига сабабчи бўлди.

Жованни Сио (Кот’д’Ивуар)

Жаҳон чемпионати гуруҳ баҳсларининг энг омадсиз ўйинчиси. Сио ўйин тугашига етти дақиқа қолганида майдонга тушди-ю, айнан у Карлос Вера томонидан тайинланган пенальти сабабчиси Самарас олдида пайдо бўлди.

Такрорий видеоқайтариқлар пайтида давомида грек футболчиси минимал ҳолатда Сио билан тўқнашиб, ўз бутсисини майсага ўралашгани натижасида майдонга қулагани аниқланган бўлсада, ҳакамнинг пенальтиси сабаб, Кот-д’Ивуар термаси турнирни тарк этди.

Жермейн Жонс (АҚШ)

Жонс турнирдаги ноқулай ва беъмани ҳолатларга энг кўп тушган футболчи. Америкалик ўйинчи рақиблари билан тўқнашиб майдонга қулайверди. Энг қизиғи иккинчи бўлимда ўз жамоадоши Алехандро Бедойе билан ҳам тўқнашиб ҳам кетди.

Ҳужум:

Луис Суарес (Уругвай)

Жоржо Кьеллинини илондек чақиб олиш футбол тарихига энг қимматга тушган қоида бузилиши сифатида киритилса ажаб эмас.. Суарес бир сонияда ҳомийлик шартномалари, пуллар ва ўз жамоаси билан плей-оффда тўп суриш имкониятидан мосуво бўлди. Бундан ташқари, бувисининг таърифи билан айтганда “бечорагина” Суарес ўзининг келажакдаги фаолиятини туманли ҳолатга қўйиб, олти ой футболдан узоқларда юрадиган бўлди.

Марио Балотелли (Италия)

Тушуниб бўлмас ҳужумчи Уругвай билан бўлган ўйинда яна “қовун туширди”. У, бир бўлим давомида сариқ карточка ишлаб, бош мураббийга ўзини заҳирага олиш зарурлигини тушунтира олди. СуперМарио ҳар доимгидан кўра кўпроқ Италия термасига керак бўлган пайтида яхши ўйин кўрсата олмайди.

Александр Самедов (Россия)

Худди ўз термаси каби Самедов ҳам жуда паст савиядаги футбол намойиш этди. Мана шу футболчида Россия термасини плей-оффга олиб чиқиб кетиш имконияти юзага келганди. Иккинчи бўлимнинг бошида дарвозабон билан яккама-якка чиққан Самедов - М'Болига ютқазди. Охир-оқибат, плей-офф босқичига чиқиш учун русларга битта гол жуда зарур бўлди, лекин, имконият бой берилган эди. Шундай қилиб, Самедовнинг хатоси уларга жуда қимматга тушди..

Мураббий:

Чезаре Пранделли

Пранделли жуда қаттиқ курашда бош мураббийликни Фабио Капеллодан ўз хизматлари ҳисобга олинган ҳолда ютиб олган эди. Мураббий томонидан жамоанинг ҳар бир ўйинида ўтказган тадқиқотлар фақат ёмон натижалар келтирди. Навбатдаги ҳар бир ўйинни Пранделли янги схемада бошлар, итальянлар эса, жаҳон Кубогида нима ўйин кўрсатаётганини ўзлари билмай майдонга тушишарди. Айниқса, Коста-Рика ва Уругвайга қарши ўйинларда унинг ўйинчи алмаштириши фақат салбий оқибатларни келтириб чиқарди. Ўйиндан сўнг Пранделли истеъфо бериб, барча айб ўзида эканлигини тан олди.

Манба: FAPL.uz